የቱርክ መንግስት አልነጃሲ መስጅድን ለማደስ ጥያቄ አቀረበ
የቱርክ መንግሥት፣ ትግራይ ክልል የሚገኘውን የአል-ነጃሲን መስጅድ ለማደስ መጠየቁን፣ የቅርሥ ጥበቃ ባለሥልጣን አስታወቀ።
መነሻውን በትግራይ ክልል ባደረገው የሰሜን ኢትዮጵያው ጦርነት፣ መስጅዱ ጉዳት ደርሶበት እንደነበር ያስታወሱት የተቋሙ ዋና ዲሬክተር አቶ አበባው አያሌው፣ የቱርክ መንግሥት መስጅዱን መልሶ ለመጠገን መጠየቁንና በእድሳቱ ዙሪያም ጥናት እንደሚደረግ
አመልክተዋል።
በጦርነቱ ትግራይ ክልል በሚገኙ ቅርሶች ላይ የደረሰውን የጉዳት መጠን ለማወቅም ተቋማቸው ጥናት ማካሔድ መጀመሩን ሓላፊው ጨምረው ገልፀዋል።
አቶ ጌታቸው ረዳ ልዩነትን የሚያጠብ ምክር ከሀይማኖት አባቶች እንደሚጠብቁ ተናገሩ
በሽረ እንዳስላሰ በድምቀት ተከብሮ የዋለው የስላሴ አመታዊ ሀይማኖታዊ ክብረበዓል ላይ የተገኙት የትግራይ ጊዚያዊ አስተዳደር ፕሬዝደንት ጌታቸው ረዳ አንድነታችንን አጠናክረን ትግራይን እንገንባ ብለዋል፡፡
በትግራይ የሚገኙ ተፈናቃዮች ወደ ቀያቸው እንዲመለስና በክልሉ ያለው ያልተሟላ ሰላም ሙሉ ለማድረግ መስራት ያሉት ርዕሰ መስተዳደሩ ከሃይማኖት አባቶች ልዩነታችሁን ወደ ጎን አድርጋችሁ ለምታምኑት ተገዢ ሁኑ የሚል ምክራ እንጠብቃለን ብለዋል።
ፕሬዝዳንቱ በሽረ እንዳስላሴ የጸሀየ ትምህርት ቤት የሚገኙ የምዕራብ ትግራይ ተፈናቃዮችን የጎበኙ ሲሆን፤ የትግራይ ህዝብ እያለፈው ያለው ስቃይና መከራ ልብ የሚሰብር ነው ብለዋል፡፡ ተፈናቃዮቹን ወደ ቀያቸው ለመመለስና የትግራይ ግዛቶችን ለመመለስ አስተዳደሩ ይሰራል ሲሉ ገልጸዋል፡፡
የአውሮፓ ህብረት የፌደራሉ መንግሥት ቃሉን አጥፏል አለ
በአማራ ክልል የተጣለው የአስቸኳይ ጊዜ አዋጅ ጊዜው ሳይደርስ ሊነሳ እንደሚችል መንግስት ቃል ገብቶለት የነበረ ቢሆኖም አሁንም ክልሉ በአስቸኳይ ጊዜ አዋጅ ስር መሆኑን የአውሮፓ ህብረት አስታውቋል፡፡
በህብረቱ የኢትዮጵያ አምባሳደር ሮላንድ ካቢያ ለአል ዐይን እንዳሉት፤
“ኢትዮጵያ ከትግራይ አስቸኳይ ጊዜ አዋጅ ወደ ሌላ አስቸኳይ አዋጅ በመግባቷ እናዝናለን፣ በአማራ ክልል የታወጀው የአስቸኳይ ጊዜ አዋጅ ለስድስት ወራት እንዲቆይ ተደርጎ ታወጀ እንጂ ጊዜው ከመድረሱ በፊት እንደሚነሳ በኢትዮጵያ መንግስት ተነግሮን ነበር። በአስቸኳይ ጊዜ አዋጁ ምክንያት እኛ እና አጋሮቻችን ስራችንን እንደልብ ተንቀሳቅሰን እንዳንሰራ
አል ዐይን አማርኛ
አድርጓል፣ መንግስትም የአማራ ክልል ሰላም እየተሻሻለ መምጣቱን በመናገሩ ምክንያት አዋጁን ለተጨማሪ ጊዜ ያራዝማል የሚል ግምት የለኝም።”
በርካታ ኢትዮጵያዊን በጦርነት እና መፈናቀል እየተፈተኑ ነው ያሉት አምባሳደር ሮላንድ ካቢያ የአስቸኳይ ጊዜ አዋጅ ሲታወጅ የዜጎች መብቶች ከመገደብ አልፎ ለእንግልት እንዲዳረጉ በር ይከፍታልም ብለዋል፡፡
የአረብ ሊግ በኢትዮጵያ እና ሶማሊላንድ ጉዳይ ለውይይት ሊቀመጥ ነው
ኢትዮጵያ በኤደን ባህረ ሰላጤ 20 ኪሎሜትሮች የሚረዝም የባህር ጠረፍ እንድትከራይ እና በምትኩ ለሶማሊላንድ የሀገርነት እውቅና እንድትሰጥ የሚያስችል ነው መግባባያ ሰነድ መፈራረማቸውን ተከትሎ የአረብ ሊግ ውጪ ጉዳይ ሚኒስትሮች በጉዳዩ እንደሚመክር
አስታውቋል።
በበይነ መረብ እንደሚካሄድ የተገለጸው ይህ የሚኒስትሮች አስቸኳይ ስብሰባ የፊታችን ረቡዕ እንደሚካሄድ የሊጉ ምክትል ጸሃፊ ሆሳም ዛኪ ተናግረዋል፡፡ ይህ የሚኒስትሮች ጉባኤ በሶማሊያ ጠያቂነት እንደተጠራ ሲገለጽ ስብሰባው በሊጉ 12 አባላት ድጋፍ እንዳገኘም ተገልጿል፡፡
ኢጋድም በስምምነቱ ዙሪያ ለመመካከር አስቸኳይ ስብሰባ መጥራቱ መዘገባችን ይታወሳል።
ኬንያ ለኢትዮጵውያን የመግቢያ ቪዛ ልትጠይቅ ነው
የኬንያ መንግስት ሐገሪቱን ለሚጎበኙ ኢትዮጵያዉያን መንገደኞች አዲስ የመግቢያ ፈቃድ ማጣሪያ ደንብ (Visa Waiver) አዉጥቷል። ሁለቱ ሐገራት ከብዙ ዓመታት በፊት ባደረጉት ስምምነት መሠረት ከአንዱ ሐገር ወደ ሌላዉ የሚጓዝ መንገደኛ የመግቢያ ፈቃድ
(Visa) አያስፈልገዉም ነበር።
የኬንያ መንግስት አዲስ ባወጣዉ ደንብ መሠረት ግን ከፈረንጆቹ 2024 ጀምሮ ወደ ኬንያ የሚገቡ ኢትዮጵያዉያን መንገደኞች ናይሮቢ ጆሞ ኬንያታ አለም አቀፍ አዉሮፕላን ማረፊያ ሲደርሱ የኦን-ላይን ፎርም መሙላት አለባቸዉ።
ኬንያ ነባሩን ሕግ የቀየረችበት ምክንያት በዝርዝር አልጠቀሰም።ኢትዮጵያ መንግስትም ነባሩን ደንብ ስለመቀየር-አለመቀየሩ አላስታወቀም።
Support Reyot Media:
Go Fund Me: https://gofund.me/afe7b8cb
Patreon: https://www.patreon.com/reyot/about
Follow us:
Twitter: @reyotmedia
Facebook: @ReyotMedia
Instagram: @reyot_media
TikTok: @reyotofficial
Threads: @reyot_media
